02-02-2008 今天下午去完亞爺度之後，約咗嬸嬸去佢屋企食飯！ 食完飯已經是八點半了，但兩人都想出去逛逛！我們就去了元朗逛一會吧！ 兩人都是購物狂，結果不用多說了！ 戰利品有︰ 三件外套、兩條褲、三對鞋、四對絲襪、五件衫、還有一些日用品！ 最後...........兩隻手都拎唔哂！唯有搭的士回家！ 嘩真係覺得自己有點誇張 ********************** 今年爸爸說不想我代他派利是，硬要比番$$$$我！ 靜雞雞把$$$放在我的抽屜裏.... 心裏有點不好受！我又硬要比番$$$$他！ 真的没好氣了！他怕我唔夠$$$用 因為每年亞爺同爸爸的利是$$$$都是我出的 但爸爸今年突然說︰留多點$$$旁身吧！ 唉.........其實呀........都唔差嗰幾千蚊啦老豆！ 都不知講了多少遍，講到口水都乾埋，先肯收番一半！ 我唔係勞氣，只係有啲嘢.........講"白"啲又驚你唔開心 講得隠晦啲又驚你唔明.............. 唉........................我都知道今日嘅語氣係重咗........自己都好後悔！ 然後你說出一句︰我都知揾$$$辛苦，人工又少，所以先比番$$$你啫！ 講到底，都係我唔好，都係我唔啱在先！ ************************************************ 01-02-2008 今朝八點半約了醫我照胃鏡 飛哥請了假陪我去！ 我知道....要佢一早起身係好殘忍嘅事 但佢今次超早就己經起身，嘩真係要比個"叻"佢！ 過程都幾順利，不過我就真係好辛苦！ 醫生說我情況比較特別！ 因為我的膽汁己經倒流上食道！(原先以為係胃酸倒流) 照了幾張相給我看，胃、食道全是黃黃的膽汁 胃有發炎的現象 醫我問我食飯是不是很快 其實以前在分行時食飯真的很快，生活又緊張 但現在己經好好多了， 起碼有餐"安樂茶飯"食吓 不過醫生話我的情況不是一朝一夕有的 以前的問題都會一直帶到現在！ 而且他說︰胃有膽汁已經很少見 連食道都有更少見，可能我時常有胃氣 連帶膽汁都一併湧上食道 他會把我的一些組織去化驗 星期三有結果 所以我希望星期三可以放半日假！ 唉.......本來都問醫生可不可以晚一點到，費事請假啦........... 但其他時間都就不到，因為地點在尖沙咀 診所又收得早，醫生又不是經常在這診所............ 很久之前我都己經想照胃鏡的了，但這個醫我四圍走，時間又不合喎 醫生都知這情況，因為.......我經常都打電話比姑娘約時間 但又因為診所收得太早而去唔切，約來約去！ 醫生都記得我了！哈哈！ 所以今次佢話︰都係請幾個鍾啫！不要緊吧！ 哈哈！不要緊！不要緊！ 我都想過年前知道結果 | 
